Dog is man’s best friend

Nov 05, 2026 Dem Boys Seh, Features / Columnists, News

(Kaieteur News) – Y’all remember when yuh used to be riding yuh bicycle and dem dogs tackle yuh. Some ah dem dogs nah used to let up. Dem used to charge behind yuh, and de faster yuh peddle is de faster dem coming at yuh.

Sometimes yuh does fall down and fear does tek over yuh because yuh feel dat de dog can chew yuh up. But strangely de dog does develop sympathy and walk away. It does mek dem boys feel dat dog is not only man’s best friend but dem can become human.