Kickback needed fuh kick-start

Oct 27, 2026 Dem Boys Seh, Features / Columnists, News

(Kaieteur News) – Before a horse move forward, it gat to first kick backwards. It does dig in it back foot, plant dem heel in de ground and thrust itself forward. In other words, sometimes yuh got to kick back before yuh can move forward. Is nature way of doing things.

And what is true fuh de horse apparently is also true fuh doing business. At least, dat is what some people believe. Yuh gat to kick back fuh kick-start de deal. If yuh want de contract, yuh grease de palm. If yuh want de licence, yuh oil de machinery. And if yuh want de whole system to work, yuh got to make sure everybody foot get a little something to help dem move!