CPL dusted and done in Guyana but de problems remain

Sep 15, 2026 Dem Boys Seh, Features / Columnists, News

(Kaieteur News) – Dem boys seh now that the Guyana leg of the CPL done and gone, is time fuh tek a lil look at some things before the cricket people come back and tell we how successful everything was. Because, according to dem boys, if success means plenty people buying tickets and then spending half the match trying to enter de stadium, then Guyana got a world record.

Dem boys seh the first thing you notice is that when the match supposed to start, the majority of spectators nah seated. The first ball getting bowled while some spectators still negotiating with traffic, parking, security and the geography of Providence.