Every Queen gat a Kingmaker

Oct 18, 2026 Dem Boys Seh, Features / Columnists, News

(Kaieteur News) – Dem boys seh nowadays, if yuh want know who is a heroine in Guyana, doh bother look pun de battlefield. Just open Facebook! Every day, a new set of queens emerging. One buying a car, another building a house, and a next one talking bout how God bless she and how she achieve everything through hard work and determination.

Dem does post up dem picture beside dem car, in front of dem house, and sometimes in dem new kitchen, looking like dem just win a Nobel Prize in economics. Dem boys ain’t begrudge nobody success. If yuh work hard and get through, yuh deserve a medal. But some of dem success stories got more chapters than a soap opera.