The secret of success – Guyana style

Oct 12, 2026 Dem Boys Seh, Features / Columnists, News

(Kaieteur News) – In Guyana if you want big wuk in de government, yuh gat fuh learn fuh curry favour, be a bootlicker or be a yes-person. Yuh gat to be a good yes-man and yes-woman, if yuh hope to score a good job. De more yuh can say yes, de faster yuh gan climb de ladder of success.

Don’t worry ‘bout too much qualifications, competence, expertise, and integrity. Dem things gan carry yuh only so far. But if yuh want to be catapulted from bottom to top, learn the rules of climbing the ladder of success. If yuh want big wuk, yuh gat to start practising to bow and kneel. Mek certain yuh gat good knees and yuh neck muscles are strong. Buy a pair of knee guards. Yuh gan need it because yuh gan be spending nuff time stooping and pa-dooping.